“အာဆီယံအတွင်း မြန်မာနိုင်ငံ၏ အကျိုးစီးပွားနှင့် စွမ်းရည်မြှင့်တင်ရေး” ဆိုင်ရာ အလုပ်ရုံဆွေးနွေးပွဲ ကျင်းပ

(၉-၁-၂၀၂၅ရက်၊ နေပြည်တော်)

“အာဆီယံအတွင်း မြန်မာနိုင်ငံ၏ အကျိုးစီးပွားနှင့် စွမ်းရည်မြှင့်တင်ရေး” ဆိုင်ရာ အလုပ်ရုံဆွေးနွေးပွဲတစ်ရပ်ကို ၂၀၂၅ ခုနှစ်၊ ဇန်နဝါရီလ ၉ ရက် မှ ၁၀ ရက်အထိ နိုင်ငံခြားရေး ဝန်ကြီးဌာန၊ လောကနတ်ခန်းမတွင် ကျင်းပပြုလုပ်လျက်ရှိပါသည်။
အလုပ်ရုံဆွေးနွေးပွဲကို နိုင်ငံခြားရေးဝန်ကြီးဌာန၊ ဒုတိယဝန်ကြီး ဦးကိုကိုကျော် က အမှာစကားပြောကြားရာတွင် မြန်မာနိုင်ငံအနေဖြင့် “လွတ်လပ်၍တက်ကြွပြီး ဘက်မလိုက်သော နိုင်ငံခြားရေးမူဝါဒ” ကို ကျင့်သုံးလျက်ရှိရာ ကမ္ဘာ့နိုင်ငံများနှင့် နှစ်နိုင်ငံချင်းသာမက ကုလသမဂ္ဂ၊ အာဆီယံ၊ ဘင်းမ်စတက်နှင့် မဲခေါင်ဒေသခွဲဆိုင်ရာ အဖွဲ့အစည်းများ၊ အာရှ-ဥရောပ အစည်းအဝေး (အေဆမ်)၊ အာရှပူးပေါင်းဆောင်ရွက်ရေး ဆွေးနွေးပွဲ(အေစီဒီ)၊ ရှန်ဟိုင်းပူးပေါင်း ဆောင်ရွက်ရေးအဖွဲ့(အက်စ်စီအို) စသည့် ဒေသတွင်း၊ ဒေသခွဲဆိုင်ရာနှင့် နိုင်ငံတကာ အဖွဲ့အစည်းများတွင်လည်း တက်ကြွစွာ ပူးပေါင်းပါဝင်လျက်ရှိပါကြောင်း၊ နှစ်နိုင်ငံချင်း၊ ဒေသတွင်း၊ ဒေသခွဲနှင့် နိုင်ငံတကာအစီအစဉ်များတွင် ဆက်သွယ်ဆောင်ရွက်မှုများကို ပိုမို ဆောင်ရွက်ခြင်းဖြင့် ပြည်ပဆက်ဆံရေးပိုမိုအားကောင်းလာစေရန်နှင့် ပြည်တွင်းနိုင်ငံရေး၊ စီးပွားရေးနှင့် လူမှုရေးဦးတည်ချက်များအား ဦးစားပေးဖော်ဆောင်ရာတွင် ဒေသဆိုင်ရာနှင့် နိုင်ငံတကာအစီအစဉ်များမှတစ်ဆင့်လည်း ပိုမိုပေါင်းစည်းဆောင်ရွက်ကြရန် တိုက်တွန်းခဲ့ ပါသည်။ အထူးသဖြင့် အာဆီယံဒေသတွင်း၌ မြန်မာနိုင်ငံ၏ အခန်းကဏ္ဍမြှင့်တင်နိုင်ရန်၊ ပြည်တွင်းကဏ္ဍအသီးသီး၌ တာဝန်ယူလျက်ရှိသည့် ဝန်ကြီးဌာနများအကြား ပိုမိုကောင်းမွန်သည့် ပေါင်းစပ်ညှိနှိုင်းမှုများဖြင့် မိမိတို့၏ဦးစားပေးလုပ်ငန်းအစီအစဉ်များကို အာဆီယံယန္တရားများနှင့် ပိုမိုအချိတ်အဆက်မိမိ ဆောင်ရွက်နိုင်မည့်နည်းလမ်းများ ဖော်ထုတ်သွားကြရန် တိုက်တွန်းခဲ့ သည်။
အလုပ်ရုံဆွေးနွေးပွဲ၏ အဆင့်မြင့်အရာရှိကြီးများ ဆွေးနွေးသည့်အပိုင်းတွင် နိုင်ငံခြားရေး ဝန်ကြီးဌာန၊ ဒုတိယဝန်ကြီး ဦးကိုကိုကျော်၊ ရင်းနှီးမြုပ်နှံမှုနှင့်နိုင်ငံခြားစီးပွားဆက်သွယ်ရေး ဝန်ကြီးဌာန ဒုတိယဝန်ကြီး ဒေါက်တာဝါဝါမောင် နှင့် အာဆီယံ မဏ္ဍိုင်(၃)ရပ်ကို အဓိက တာဝန် ယူထားကြသည့် အဆင့်မြင့်အရာရှိကြီးများက အာဆီယံဆိုင်ရာ ကဏ္ဍအသီးသီးကို တာဝန်ယူ ထားသည့် ဝန်ကြီးဌာန (၃၀)ခုမှ ဘာသာရပ်ကျွမ်းကျင်သူ အရာရှိများကို ကဏ္ဍအလိုက် ဦးစားပေး လုပ်ငန်းစဉ်များကို အာဆီယံယန္တရားများမှတစ်ဆင့် ဖော်ဆောင်နိုင်မှုအခြေအနေ၊ စိန်ခေါ်မှုနှင့် အလားအလာများအပေါ် ပြန်လည်သုံးသပ်ကြရန်၊ အာဆီယံအသိုက်အဝန်း မျှော်မှန်းချက် ၂၀၄၅ ကို ယခုနှစ်တွင် စတင်နိုင်တော့မည်ဖြစ်ရာ အဆိုပါမျှော်မှန်းချက်ပါ အာဆီယံမဏ္ဍိုင်အသီးသီး၏ ဗျူဟာမြောက်လုပ်ငန်းစဉ်များတွင် မြန်မာနိုင်ငံက အပြုသဘော ပူးပေါင်းပါဝင်ကာ မိမိတို့ နိုင်ငံအကျိုးကို ဒေသအကျိုးစီးပွားနှင့် ချိတ်ဆက်နိုင်ရန် ပွင့်လင်းစွာ ညှိနှိုင်းတိုင်ပင်၍ လုပ်ငန်းစဉ်များ ချမှတ်ဆောင်ရွက်ကြရန် တိုက်တွန်းခဲ့ပါသည်။
အဆိုပါအလုပ်ရုံဆွေးနွေးပွဲသို့ အာဆီယံရေးရာကိစ္စရပ်များကို တာဝန်ယူထားသည့် ဝန်ကြီးဌာန(၃၀) ခုမှ အဆင့်မြင့်အရာရှိကြီးများနှင့် ဘာသာရပ်တာဝန်ခံအရာရှိစုစုပေါင်း (၈၅) ဦးခန့် တက်ရောက်ခဲ့ပါသည်။

Workshop on “Optimizing Myanmar’s role in ASEAN” held at the Ministry of Foreign Affairs

(9-1-2025, Nay Pyi Taw)

A workshop on “Optimizing Myanmar’s role in ASEAN” has being conducted at the Lawkanat Hall at the Ministry of Foreign Affairs on 9th and 10th January 2025.
At the workshop H.E. U Ko Ko Kyaw, Deputy Minister for Foreign Affairs delivered an opening remarks highlighting Myanmar’s active participation in regional, sub-regional and international organizations, including the United Nations, ASEAN, BIMSTEC and Mekong Sub-regional Organizations, the Asia-Europe Meeting (ASEM), the Asian Cooperation Dialogue (ACD), and the Shanghai Cooperation Organization (SCO) in accordance with Myanmar’s independent, active and non-aligned foreign policy. He further emphasized the importance of mutually beneficial cooperation of the bilateral, regional and multilateral platforms through the intensified efforts fostering vigorous foreign relations in order to advance national political, economic, and social objectives of the country. He encouraged all participants from relevant ministries to identify priority areas in order to optimize Myanmar’s cooperation in ASEAN by consolidating network among relevant bodies so that the national priorities and action plans to be synchronized with ASEAN-led mechanisms.
In the high-level segment of workshop, H.E. U Ko Ko Kyaw, Deputy Minister for Foreign Affairs, H.E. Dr. Wah Wah Maung, Deputy Minister for Investment and Foreign Economic Relations and senior officials from the respective ministries of the three ASEAN Community Pillars shared their views on Myanmar’s cooperation with ASEAN and encouraged the line ministries to analyze the national projects be aligned with the ASEAN frameworks and to ensure national priorities effectively complete works in ASEAN. They also highlighted Myanmar’s constructive contribution in crafting the ASEAN Community Vision (ACV) 2045 and urged the relevant ministries to closely coordinate for the successful realization of the national priorities while implementing the Strategic Plans of the ACV 2045.
The two-day workshop was attended by around 85 government senior officials and personnel representing 30 ministries of the three ASEAN Community Pillars.

Yangon Time

Kathmandu Time

Holiday for Months

11 May 2025
( Full Moon Day of Kasone )

13 May 2025
( Buddha Jayanti Day )

Contact Us

Address

Building No.1344. Machhindra Nath Road, Nakhhu Height, Charghare, Bhaisepati, Lalitpur Metropolitan City, Ward No. 25. G.P. O. Box 20500.

Phone

+977 1 5592841 (5592842) (5592772) (5592773) (5592774) (5592776)